Бишкек, 01.11.26. /Кабар/. 8-ноябрда Бишкек шаарында быйылкы велосезондун жабылышына арналган веложүрүш өтөт. Бул тууралуу мэриядан билдиришти.
Маалыматка ылайык, веложүрүш саат 10:00дө Д. Асанов атындагы Жеңиш паркынан башталат.
Катышуучулар жалпы узундугу 5,4 чакырымды түзгөн аралыкты өтүшөт. Веложүрүш “Газпром — балдарга” ден соолукту чыңдоо комплексинин жанында аяктайт.
Иш-чарага бардык каалоочулар катыша алат. Катышуучуларды каттоо саат 08:30дан 09:45ке чейин Д. Асанов атындагы Жеңиш паркында жүргүзүлөт.
Веложүрүшкө байланыштуу саат 09:45тен 10:30га чейин А. Токомбаев проспектисинин түндүк тарабындагы жолдун батыш багыты боюнча унаа кыймылына убактылуу чектөө киргизилет.
