Бишкек, 30.05.25. /Кабар/. Бишкекте 1-6-июнь күндөрү “Улуттук баалуулуктар айыл чарбадан башталат” аттуу көргөзмө-жарманке өтөт.
Айыл чарба министрлигинен кабарлашкандай, көргөзмөнүн максаты - айыл чарба тармагы менен өлкөнүн маданий мурастарынын ажырагыс байланышын көрсөтүү, ошондой эле ата мекендик өндүрүшчүлөр менен кол өнөрчүлөрдү колдоо.
Көргөзмөнүн конокторуна төмөнкүлөр тартууланат:
- Улуттук тамактар жана суусундуктар;
- Элдик кол өнөрчүлөрдүн кийимдери жана буюмдары;
- Булгаарыдан жана жыгачтан жасалган музыкалык аспаптар, тиричилик буюмдары;
- Ата мекендик кайра иштетүү ишканаларынын продукциялары;
Мындан тышкары, көргөзмө төмөнкүлөрдү камтыйт:
- Мастер класстар жана презентациялар;
- Улуттук баалуулуктар жана айыл чарба тармагындагы иш-чаралар боюнча маалымат сессиялары;
- Айыл чарбасы жана агробизнес маселелери боюнча консультациялар;
Уюштуруучулар жаш коноктор үчүн анимациялык программа, кызыктуу оюндарды жана балмуздак даярдашты.
Көргөзмөнүн активдүү катышуучулары эсте каларлык сыйлыктарга ээ болушат.
Катышуу жана кошумча маалымат алуу үчүн иш-чаранын координатору Искак Анарбековго 0555 34 60 60 телефону аркылуу кайрылса болот.
Иш-чара Агропромдун Киев көчөсү 96А имаратынын алдында өтөт.
