Бишкек, 25.07.25. /Кабар/. Амур облусунда Өзгөчө кырдаалдар министрлигинин куткаруучулары бортунда 49 адам болгон Ан-24 жүргүнчү учагы кулаган жерге жетип, азырынча аман калгандарды таба элек. Бул тууралуу аталган башкармалыктын басма сөз кызматы билдиргенин Интерфакс кабарлайт.
Маалыматка караганда, Хабаровск - Благовещенск - Тында каттамы боюнча учкан "Ангара" авиакомпаниясынын Ан-24 жүргүнчү учагы 24-июлда Тында аэропортуна жакындап калганда радардан жоголуп кеткен. Кийинчерээк учак аэропорттон бир нече чакырым алыстыкта кулаганы аныкталган.
Учактын бортунда 43 жүргүнчү жана алты экипаж мүчөсү болгон.
Амур облусунда учак кырсыгына байланыштуу бардык кызматтардын ишин координациялоо үчүн өзгөчө кырдаал жарыяланды.
