Бишкек, 15.04.25. /Кабар/. Tunduk колдонмосунда жаңы кызматтардын тизмеси көбөйдү. Бул тууралуу Санариптик өнүгүү жана инновациялык технологиялар министрлигинен билдиришти.
Ведомствонун маалыматына ылайык, эми электрондук форматта төмөнкү маалымкаттарды алса болот:
- Психиатриялык диспансердик эсепте тургандыгы/турбагандыгы жөнүндө маалымкат;
- Наркологиялык эсепте тургандыгы/турбагандыгы жөнүндө маалымкат.
Бул маалымкаттар:
- Tunduk тиркемеси аркылуу онлайн алынат;
- Юридикалык күчкө ээ;
- Күнү-түнү жеткиликтүү;
- Мамлекеттик жана жеке уюмдар тарабынан кагаз түрүндө талап кылынбастан кабыл алынууга тийиш.
