Бишкек, 17.08.26. /Кабар/. Түркиянын Ички иштер министрлигине караштуу Жээк коопсуздугу башкармалыгынын кызматкерлери 2026-жылдын жети айында жүргүзүлгөн 416 издөө-куткаруу операциясынын жүрүшүндө 2 257 адамды куткарышты.
Жергиликтүү ЖМКлар маалымдагандай, операцияларга кайыктар жана катерлер менен катар тик учактар да тартылган. Куткарылгандардын 261ине медициналык жардам көрсөтүлгөн.
Үстүбүздөгү жылдын январь-июль айларында деңизден 111 адамдын сөөгү чыгарылган. Эң көп куткаруу операциясы май айында жүргүзүлгөн.
Эскерте кетсек, былтыр Түркиянын жээк сууларында Жээк коопсуздугу башкармалыгынын кызматкерлери жалпысынан 8 453 адамды куткарып, сууга чөккөн 165 адамдын сөөгүн табышкан.
