Бишкек, 02.11.26. /Кабар/. Бүгүн, 2-ноябрда Индия бийлиги өлкөнүн чыгышындагы жээк аймактарынын тургундарын эвакуациялай баштады. Armenpress басылмасы билдиргендей, күчтүү циклон 3-ноябрда кургактыкка жетип, беш күн мурун адам өлүмүнө алып келген кара нөшөрдөн жабыркаган аймактарга кайрадан таасирин тийгизет деп божомолдонууда.
Индиянын метеорологиялык департаментинин маалыматы боюнча, күтүлүп жаткан "Мурасу" циклону бир апта мурун дал ушул аймакты каптаган “Арнаб” циклонунан алсызырак болот. Бул кара нөшөр бир жума мурун алты адамдын өмүрүн алып, ондогон үйлөрдү талкалап, айыл чарба жерлерине зыян келтирген.
"2000ге жакын адам эвакуацияланып, адамдар дагы деле коопсуз жерлерге убактылуу көчүрүлүүдө. Дагы 30 миңге жакын адамды эвакуациялоону пландап жатабыз", - деди Андхра-Прадеш штатынын кырсыктарды башкаруу башкармалыгынын башкы директору Пракхар Джайн.
Индиянын метеорологиялык департаментинин божомолуна ылайык, өлкөнүн түштүк-чыгыш жээгинде жайгашкан Тамилнад жана Андхра-Прадеш штаттары циклондон эң көп жабыркап жатат.
