Бишкек, 28.10.25. /Кабар/. Түркияда 6,1 баллдык жер титирөө болду. Бул тууралуу Анадолу агенттиги кабарлайт.
Түркиянын Табигый кырсыктар жана өзгөчө кырдаалдарды башкаруу боюнча башкармалыгынын (AFAD) сайтында жарыяланган маалыматка ылайык, Балыкесир провинциясынын Сындыры районунда 27-октябрда саат 22:48де 6,1 баллдык жер титирөө катталды.
Жердин силкиниши Мармара калктуу пунктунда, Эгей аймактарында, Стамбул жана Измирде да сезилген.
