Бишкек, 18.02.25. /Кабар/. Өлкө аймагында транспорттук көзөмөлдүү күчөтүүнүн алкагында текшерүү иштери уланууда. Бул тууралуу Транспорт жана коммуникациялар министрлигинен билдиришти.
Маалыматка ылайык, анын алкагында, министрликтин алдындагы Жерде жүрүүчү жана суу транспорту департаменти төмөндөгүдөй текшерүүлөрдү жүргүзүүдө:
- автомобиль транспорту чөйрөсүндөгү эл аралык келишимдердин талаптарын сакталышын камсыз кылуу боюнча автоунаалар менен эл аралык жүк жана жүргүнчү ташууларды көзөмөлдөө;
- КР автомобиль транспорту чөйрөсүндөгү мыйзам актыларынын сакталышын көзөмөлдөө;
- жүргүнчү ташуулар боюнча эрежелердин аткарылышын көзөмөлдөө;
- Кыргызстандагы жалпы пайдалануудагы автомобиль жолдорунун сакталышын камсыз кылуу боюнча салмак-габариттик көзөмөл жүргүзүлөт.
