Бишкек, 05.06.26. /Кабар/. Өзбекстандын инвестициялар, өнөр жай жана соода министри Лазиз Кудратов Шанхай кызматташтык уюмуна (ШКУ) мүчө-мамлекеттердин өнөр жай министрлеринин кеңешмесинде бирикмеге кирген өлкөлөрдүн ортосундагы өнөр жай өз ара аракеттенүүсүн андан ары өнүктүрүүнүн маанилүүлүгүн баса белгиледи.
Министрдин айтымында, учурдагы кызматташтык платформасы ШКУга мүчө-мамлекеттердин практикалык өз ара аракеттенүүсүн тереңдетүү жана туруктуу экономикалык өнүгүүнү колдоого багытталган бирдиктүү чечимдерди иштеп чыгуу үчүн натыйжалуу механизм болуп саналат.
Кудратов акыркы жылдары уюмдун алкагында өнөр жай кызматташтыгынын бекем салты калыптанганын белгиледи. Өлкөлөр өнөр жайды өнүктүрүүнүн жана кооперациялык байланыштарды кеңейтүүнүн актуалдуу маселелерин чечүүдө биргелешкен ыкмаларды иштеп чыгууга жетишти. Муну менен катар, ШКУга мүчө-мамлекеттердин ортосундагы өз ара товар жүгүртүүнүн көлөмү 20%дан ашык өстү.
Ал өз сөзүндө өнөр жай кооперациясы жана биргелешкен долбоорлорду ишке ашыруу маселелерине өзгөчө көңүл бурулду. Өз ара аракеттенүүнүн маанилүү куралдарынын бири катары Кудратов эл аралык өнөр жай көргөзмөлөрүн жана форумдарын өткөрүүнү атады, алар ишкердик байланыштарды чыңдоого, тажрыйба алмашууга жана жаңы инвестициялык демилгелерди илгерилетүүгө өбөлгө түзөт.
"ШКУга мүчө-мамлекеттердин ортосунда өнөр жай кооперациясын өнүктүрүү, биргелешкен инвестициялык долбоорлорду ишке ашыруу жана интеграциялык байланыштарды чыңдоо боюнча иштерди колдоону маанилүү деп эсептейбиз", - деп белгиледи Лазиз Кудратов.
