Бишкек, 04.08.26. /Кабар/. Тогуз-Торо районунда билим берүү инфраструктурасын өнүктүрүүгө багытталган 5 социалдык объекттин курулушу уланууда.
Райондук администрациянын маалыматына ылайык, Казарман айылындагы А. Абдраимов атындагы мектептин спорт залы жана Карл-Маркс айылындагы №11 Саймалуу-Таш орто мектебинин курулуш иштери жүрүп жатат.
Мындан тышкары, Атай айылындагы 100 орундуу "Жеткинчек", Арал айылындагы 50 орундуу "Айзирек" жана Дөдөмөл айылындагы 70 орундуу "Наристе" бала бакчалары курулууда.
Аталган долбоорлор ишке ашса, райондогу балдар жана окуучулар үчүн заманбап билим берүү шарттары кеңеет.
