Бишкек, 26.03.25. /Кабар/. Президенттин Жалал-Абад облусундагы өкүлү Тилек Текебаев Кара-Көл шаарынын жана Токтогул районунун тургундары менен жолугушту. Бул тууралуу өкүлчүлүктөн билдиришти.
Маалыматка ылайык, жыйынга Жогорку Кеңештин депутаты Кундуз Сулайманов, облустук мекеме-ишканалардын башчылары жана жергиликтүү бийлик жетекчилери катышты.
Ыйгарым укуктуу өкүлгө Кара-Көл шаарынын тургундары турак жайга болгон жеке маселелери, укуктук көйгөйлөрү, таза суу, медициналык мекемелердин жетишсиздиги, жер тилке алууга болгон кезектүүлүк, мектеп рекетчилиги сыяктуу көйгөйлөрдү көтөрүштү.
Облус башчысы ата-энелер тарабынан көтөрүлгөн жаш өспүрүмдөр арасындагы кылмыштуулукту, укук коргоо органдарынын кызматкерлерине кылдат иликтеп чыгуу боюнча тийиштүү тапшырмаларды берилди.
Токтогул районунун жашоочулары ыйгарым укуктуу өкүлгө Ичке-Сай-Өзгөрүш маршруттук каттамын уюштуруу, жол оңдоо, жөлөк пул алуудагы мүчүлүштүктөр, таза суу жана сугат сууга болгон тартыштык, социалдык мекемелерди куруу муктаждыктары бар экенин айтышты.
Облус башчысы Тилек Текебаев жыйында айтылган бардык маселелер протоколдук тапшырманын негизинде аткарууга алынып, мыйзам чегиндеги тийиштүү чаралар көрүлөөрүн белгиледи.
