Бишкек, 10.02.26. /Кабар/. Конституциялык мыйзамдар, мамлекеттик түзүлүш, жергиликтүү өз алдынча башкаруу жана Жогорку Кеңештин регламенти боюнча комитети бир катар мыйзам долбоорлорун үчүнчү окууда жактырды.
Комитет жыйында депутаттар төмөнкү мыйзам долбоорлорун колдоп берди:
- “Кыргыз Республикасынын айрым конституциялык мыйзам актыларына өзгөртүүлөрдү киргизүү жөнүндө” мыйзам долбоору. Демилгечи - Дастан Бекешев,
- “Кыргыз Республикасынын Сот адилеттиги иштери боюнча кеңеши жөнүндө”, “Кыргыз Республикасынын Жогорку соту жана жергиликтүү соттор жөнүндө”, “Кыргыз Республикасынын министрлер кабинети жөнүндө” Кыргыз Республикасынын конституциялык мыйзамдарына өзгөртүүлөрдү киргизүү жөнүндө” конституциялык мыйзам долбоору, демилгечи – VII чакырылыштын депутаттары,
“Гендердик теңчилик маселелери боюнча Кыргыз Республикасынын мыйзам актыларына өзгөртүүлөрдү киргизүү жөнүндө” мыйзам долбоору, демилгечи – VII чакырылыштын депутаттары,
- “Кыргыз Республикасынын ченемдик укуктук актылары жөнүндө” Кыргыз Республикасынын мыйзамына өзгөртүү киргизүү тууралуу” мыйзам долбоору, демилгечи – министрлер кабинетинин төрагасы,
- “Кыргыз Республикасынын айрым мыйзам актыларын күчүн жоготту деп таануу жөнүндө” мыйзам долбоору, демилгечи – министрлер кабинетинин төрагасы.
