Бишкек, 14.11.25. /Кабар/. Талас облусунда мыйзамсыз балык уулаган 2 жаранга айып салынды. Бул тууралуу Жаратылыш ресурстары, экология жана техникалык көзөмөл министрлигинен билдиришти.
Маалыматка ылайык, 11-ноябрда Үрмарал өзөнүндө мыйзамсыз балык уулоо фактысы аныкталып, жеринде тактоо иштери жүргүзүлдү.
Натыйжада эки жаранга Укук бузуулар жөнүндө кодексине ылайык экөөнө эки укук бузуу протоколу түзүлдү:
- 20 миң сом өлчөмүндө административдик айып пул;
- айлана-чөйрөгө келтирилген зыян үчүн 10 100 сом өлчөмүндө доо коюлду.
Экологиялык жана техникалык көзөмөл кызматы балык ресурстарын коргоо — биотүрдүүлүктү сактоонун маанилүү бөлүгү экенин эскертет жана жарандарды мыйзам талаптарын так сактоого чакырат.
