Бишкек, 28.06.25. /Кабар/. Ысык-Ата районуна караштуу "Такыр-Төр" көлүндөгү абалга байланыштуу учурда Алмалуу жана Тоолуу Серафимовка айылдарынын ортосундагы унаа жол убактылуу жабык, атайын посттор уюштурулган.
Өзгөчө кырдаалдар министрлигинен билдиришкендей, агып жаткан суу токтоп, коркунуч жоюлгандан кийин тазалоо иштери жүргүзүлөт.
Жеринде ӨКМдин Чүй облусу боюнча башкармалыгынан ыкчам топ (5 кызматкер), 1 экскаватор, 1 жүктөгүч, №43 ЖТИден 1 жүктөгүч, 1 манипулятор, суу чарба башкармалыгынан 1 экскаватор, жергиликтүү бийликтен 2 экскаватор, жалпы 7 техника даярдыкта турат.
Белгилей кетсек, күн мурун Такыр-Төр көлү жырылып, аймактагы айылдардан 950дөн ашык адам эвакуацияланган.
