Бишкек, 16.07.26. /Кабар/. Сузак районунун Кара-Чолок айылында 50 орундуу мектепке чейинки билим берүү мекемеси курулуп, пайдаланууга берилди.
Райондук администрациядан билдиришкендей, бала бакчанын курулушуна жалпысынан Жалал-Абад облусттук өнүктүрүү фондунан 26 млн 587 миң сом, ал эми жергиликтүү бюджетинин эсебинен 4 млн 656 миң сом каражат бөлүнгөн.
Ачылыш аземине президенттин Жалал-Абад облусундагы өкүлү Тилек Текебаев, Сузак райондук мамлекеттик администрациясынын башчысы-аким Дамир Кулубаев жана башка райондук мекеме-ишканалардын жетекчилери катышты.
