Бишкек, 03.07.25./Кабар/. Бокоев Бактыяр Макенович министрлер кабинетине караштуу Дене тарбия жана спорт мамлекеттик агенттигинин алдындагы Спорттун улуттук түрлөрү боюнча дирекциясынын директору болуп дайындалды. Бул тууралуу агенттиктен билдиришти.
Аны эмгек жамаатына агенттиктин директору Айбек Абдымомунов тааныштырды.
Ал жаңы дайындалган директордун алдында бир катар маанилүү милдеттер турганын белгилеп, 2026-жылы өтүүчү VI Дүйнөлүк көчмөндөр оюндарына даярдыкты күчөтүүнү тапшырды.
Эске сала кетсек, Бактыяр Бокоев буга чейин Спорттун олимпиадалык эмес түрлөрү боюнча дирекциясынын директору болуп иштеп келген.
