Бишкек, 15.04.26. /Кабар/. Бүгүн, 15-апрелде Каба уулу Кожомкул атындагы Спорт ордосунда кикбоксинг боюнча Кыргызстандын жаштар арасындагы биринчилиги жана чоңдор арасындагы чемпионаты башталды.
Дене тарбия жана спорт мамлекеттик агенттигинин маалыматына ылайык, беттешке өлкөнүн бардык аймактарынан келген жалпы 307 спортчу катышууда. Мелдештер 18-апрелге чейин уланат.
Салтанаттуу ачылыш аземинде спортчулардын парады өтүп, ага Спорттун олимпиадалык эмес түрлөрү боюнча дирекциясынын директорунун орун басары Каныбек Думанаев, Кикбоксинг федерациясынын өкүлдөрү, спортчулар жана күйөрмандар катышты.
