Бишкек, 17.07.26 /Кабар/. Нарын облусунда жайыт жерлерин туура пайдалануу жана мыйзам бузуулардын алдын алуу боюнча текшерүү иштери күчөтүлдү. Бул тууралуу Суу ресурстары, айыл чарба жана кайра иштетүү өнөр жайы министрлиги билдирди.
Жерди жана сууну көзөмөлдөө кызматынын адистери райондордун жетекчиликтерине жайыттарды коргоо боюнча түшүндүрүү иштерин жүргүзүү жана мыйзамсыз техникаларды колдонууга жол бербөө боюнча тапшырмаларды беришти.
Ошондой эле жайыттарда рейддер өткөрүлүп, Кочкор районундагы Соң-Көл жайыттарында эрежени бузган 11 жаран аныкталды. Аларга мыйзамга ылайык ар бирине 7 миң 500 сомдон, жалпы 82 миң 500 сом айып салынды.
Адистер жайыттарды сактоо жана мыйзам талаптарын аткаруу боюнча текшерүүлөр мындан ары да жүргүзүлөрүн билдиришти.
