Бишкек, 21.05.26. /Кабар/. Сүлүктү шаарында "Белес резорт" туристтик комплекси курулууда. Бул тууралуу аталган шаардык мэриядан билдиришти.
Комплекстин курулушу бюджеттик каражаттын эсебинен жүргүзүлүп, ага 120 млн сом бөлүнгөн. Ачылышы 2026-жылдын жай айларында пландалган объект Сүлүктү шаары жана Лейлек районундагы эң ири эс алуучу жай болмокчу.
Учурда туристтик объекттин курулуш иштери кызуу жүрүп жатат.
Бүгүн президенттин Баткен облусундагы өкүлүнүн орун басары Абдирашит Ташбалтаев курулуп жаткан объекти менен таанышты.
Ташбалтаев курулуштун сапатына өзгөчө көңүл буруп, подрядчы компанияга бир нече талаптарды койду. Ошондой эле жергиликтүү бийликке катуу көзөмөлгө алууну тапшырды.
