Бишкек, 29.07.26. /Кабар/. Шопоков шаарында курула турган жаңы парктын эскиздик долбоору иштелип чыкты. Бул тууралуу Курулуш, архитектура жана турак жай-коммуналдык чарба министрлигинен билдиришти.
Маалыматка ылайык, долбоор Шаар куруу жана архитектура департаментинин Сокулук райондук шаар куруу жана архитектура башкармалыгы тарабынан даярдалды.
Долбоор шаар тургундары үчүн заманбап эс алуу жана сейилдөө мейкиндигин түзүүгө багытталган. Паркта жашылдандыруу, жөө адамдар үчүн аллеялар, отургучтар, жарыктандыруу тутумдары, чакан архитектуралык формалар жана эс алуу үчүн ыңгайлуу шарттарды түзүү каралган.
