Бишкек,06.03.25. /Кабар/. Баткен шаарынын борбордук стадионунун аймагында жайгашкан сейил бакты жаңылоо боюнча эскиздик долбоор иштелип чыкты. Бул тууралуу Курулуш, архитектура жана турак жай-коммуналдык чарба мамлекеттик агенттигинен билдиришти.
Маалыматка ылайык, сейил бактын эскилиги жеткендигинен улам жаңы долбоор шаардыктардын жана коноктордун эс алуусуна ылайыкташтырылып иштелип чыккан. Учурда мэриянын кароосуна сунушталды.
Эскиздик долбоордун негизги өзгөчөлүктөрү катары 100дөн ашуун унаа токтотуучу жайы, жүрүүчүлөр үчүн кеңейтилип түзүлгөн жолдор жана жашылдандыруу аймактары камтылган.
Долбоор Баткен шаарын жандандырып, шаардык инфраструктуранын жаңы деңгээлге көтөрүлүшүнө чоң салым кошоору күтүлүүдө.
