Бишкек, 07.07.26. /Кабар/. Бишкек шаарынын мэриясы шаарды жашылдандыруу маселелерин талкуулаган Экологиялык кеңештин ачык жыйыны өтөрүн билдирди.
Маалыматка ылайык, жыйын 10-июлда саат 17:00дө "Бишкекжашылкурулуш" муниципалдык ишканасынын питомнигинде өтөт. Иш-чара мэр Айбек Жунушалиевдин төрагалыгы алдында өтүп, анда шаарды жашылдандыруу жана экологиялык багыттагы актуалдуу маселелер каралат.
Ошондой эле жарандар үчүн көчмө жыйын уюштурулуп, анда шаардагы көйгөйлүү аймактар каралып, активисттердин сунуш-пикирлери угулат. Көчмө жыйынга катышууну каалагандар саат 16:00дө мэриянын имаратынын алдына (Чүй проспектиси, 166) чогулушу керек.
Жыйынга жарандык активисттер, ыктыярчылар, экологиялык уюмдардын өкүлдөрү, журналисттер жана блогерлер чакырылат.
