Бишкек, 29.04.25. /Кабар/. Шаар куруу жана архитектура департаментинде 9-11-класстын окуучулары үчүн ачык эшиктер күнү өткөрүлдү.
Курулуш, архитектура жана турак жай - коммуналдык чарба министрлигинен билдиришкендей, аталган иш-чаранын алкагында мектеп бүтүрүүчүлөрү архитекторлор жана шаар куруучулардын иши менен таанышышты.
Кызматкерлер тарабынан даярдалган долбоорлор жана алардын натыйжалары көрсөтүлүп, ишмердүүлүк тууралуу кеңири маалымат берилди.
Ошондой эле окуучуларга шаардын өнүгүүсүнө таасир эткен архитектуралык жана шаар куруу долбоорлору көрсөтүлүп, андан соң департаменттин кызматкерлери алардын кызыккан суроолоруна жооп беришти.
Белгиленгендей, бул иш-чара жаштарга архитектор жана шаар куруучу сыяктуу кесиптер тууралуу көбүрөөк маалымат алууга жана келечекте ушул тармактардагы карьера тууралуу ойлонууга жакшы мүмкүнчүлүк түздү.
