Бишкек, 20.02.25. /Кабар/. Бүгүн Россиянын Нижний Новгород облусунда жеңил учак катуу конгон учурда эки адам каза болду. Бул тууралуу Россиянын Өзгөчө кырдаалдар министрлигинин облус боюнча башкы башкармалыгынын басма сөз кызматы билдиргенин Известия жазды.
Маалыматка караганда, Кстовский районундагы Новоликеево калктуу пунктуна жакын жерде жеңил учак катуу конуп, күйүп кеткен. Эки адам каза тапкан.
Өзгөчө кырдаалдар министрлигинин кызматкерлери жеринде өрттү өчүрүүнү улантып жатканы айтылууда.
