Бишкек, 30.10.25 /Кабар/. Франциянын укук коргоо органдары Луврдан уурдалган асыл таштарды тоноого шектүү делген беш жаранды кармоо учурунда уурдалган зер буюмдарды таба алышкан жок. Бул тууралуу RTL радиостанциясы билдирди.
Бейшемби күнү радиостанция беш жаңы шектүү шаршемби күнү кечинде Париж аймагынын ар кайсы жерлеринде бир убакта кармалганын маалымдады.
Радионун берүүсүнө ылайык, шектүүлөрдү кармоо учурунда асыл таштар табылган эмес.
Буга чейин 19-октябрда Париждеги Лувр музейинен император Наполеон Бонапарттын жубайы Жозефинага таандык болгон тогуз даана зер буюм уурдалган. Ошондон бери полициянын издөө иштеринен майнап чыкпай келет.
