Бишкек, 20.03.25. /Кабар/. Оштун Кара-Суу районундагы зилзаладан жабыркаган турак жайлардын абалы аныкталууда. Бул тууралуу Билим берүү жана илим министрлигинен билдиришти.
Маалыматка ылайык, Ош облусунун Кара-Суу районунда 2025-жылдын 12-мартында болгон зилзаладан жабыркаган социалдык объекттердин жана жарандардын турак жайларынын абалдарын аныктоо боюнча ведомстволор аралык комиссия иш жүргүзүүдө.
Белгиленгендей, комиссия 24-мартка чейин иштейт. Комиссиянын ишине Билим берүү жана илим министрлигинен мектеп, мектептен тышкаркы жана кошумча билим берүү башкармалыгынын башчысы Бакыт Козуев катышууда. Комиссиянын кезектеги отуруму 19-мартта Өзгөчө кырдаалдар министрлигинде өткөрүлдү.
