Бишкек, 18.09.25. /Кабар/. Ош шаарында кампадан чыккан өрт чектөөгө алынды. бул тууралуу Өзгөчө кырдаалдар министрлигинен билдиришти.
Маалыматка ылайык, бүгүн саат 15:03 чамасында Раззаков көчөсүндө жайгашкан кампалардын биринен өрт чыккандыгы тууралуу маалымат түшкөн.
Өрттү өчүрүүгө жалпы 7 күжүрмөн эсеп жана автошаты тартылып, саат 16:30да тилсиз жоо чектөөгө алынган. Учурда өрттү толук өчүрүү аракети көрүлүүдө.
Өрттүн келип чыгуу себеби жана келтирилген зыяндын өлчөмү такталууда.
Кошумча маалымат берилет.
