Бишкек, 14.03.25. /Кабар/. Ош шаарында коомчулуктун пайдалануусу үчүн мындан 75 жыл мурда жабылып калган көрүстөндөрдү рекультивация кылуу боюнча жумуштар жүргүзүлөт.
Муниципалитеттен билдиришкендей, бүгүн шаар мэри Жеңишбек Токторбаев, казияттын өкүлдөрү жана тиешелүү кызматтар менен бирге шаардагы эски жабылган көрүстөндөрдү жеринен көрүп чыкты.
Алсак, шаардагы И.Раззаков, Пахта, А.Шакиров көчөлөрүндөгү 75 жылдан ашык убакыт мурун жабылган көрүстөндөрдү көрүп, аларды рекультивациялоо менен коомдук муктаждыктар үчүн пайдалануу маселесин талкуулады.
