Бишкек, 24.02.25. /Кабар/. Бүгүн Ош шаарынын мэриясынын ишканаларына жаңы техникалар тапшырылды. Бул тууралуу муниципалитеттен билдиришти.
Жаңы 6 “HYUNDAI Porter” үлгүсүндөгү унаалар Red Petroleum компаниясы тарабынан алынып берилген, аны шаардын мэри Жеңишбек Токторбаев тапшырды.
Жаңы техникалар “Ош шаардык автоунаа”, “Ош свет”, “Оштогу көрктөндүрүү жана жашылдандыруу комбинаты”, “Ош шаарынын мэриясынын коммуналдык турак-жай” муниципалдык ишканаларына жана Ош шаарынын мэриясынын муниципалдык менчик, Маданият башкармалыктарына бөлүштүрүлүп берилди.
