Бишкек, 14.05.25. /Кабар/. Ош шаарындагы Г. Давыдов көчөсүндө (Шейит-Дөбө) заманбап аллеянын курулушу жүрүп жатат. Бул тууралуу муниципалитеттен билдиришти.
Аллеянын аймагында буга чейин каралбай калган эски бак-дарактар алынып, алардын ордуна жаңы көчөттөр отургузулду. Аны менен катар, суу үнөмдөөчү автоматташтырылган суугаруу жана жарыктандыруу системалары орнотулду.
Белгиленгендей, аллеяга тротуарлар төшөлүп, декоративдик тосмолор коюлган.
