Бишкек, 06.10.26 /Кабар/. Ош шаарындагы Сүрөттүү-Таш айылында 500 орундуу №60 Сүрөттүү-Таш жалпы билим берүү мектеби пайдаланууга берилди. Бул тууралуу Ош шаардык мэриясы билдирди.
Маалыматка ылайык, жаңы мектеп бүгүн, министрлер кабинетинин төрагасы Адылбек Касымалиевдин онлайн катышуусунда өлкө боюнча ачылган 20 социалдык объектинин катарында пайдаланууга берилди.
Жаңы мектеп 500 окуучуга ылайыкташкан. Анын курулушу быйыл апрель айында башталып, республикалык бюджеттен каржыланган.
