Бишкек, 27.10.26. /Кабар/. Бүгүнкү күндө Кочкор районунун Кочкор айылында курулган И. Арабаев атындагы жаңы мектепте эки нөөмөт менен 1000дей окуучу билим алууда.
Курулуш министрлигинен билдиришкендей, мектептин курулушу 2023-жылдын октябрь айында башталып, республикалык бюджеттин эсебинен каржыланган.
Үч кабаттуу имараттын жалпы аянты 4 136 чарчы метрди түзөт. Билим берүү мекемесинде окуу класстарынан тышкары лаборатория, китепкана, ашкана, компьютердик класс, эмгек кабинети, дарыгердин бөлмөсү, жыйындар залы жана спорт залы бар.
Ошондой эле мектептин аймагында футбол, волейбол жана баскетбол аянтчалары, машыгуу үчүн атайын жайлар каралган.
Белгилей кетсек, 11-сентябрда президенттин онлайн катышуусунда жаңы мектептин ачылышы болгон.
