Бишкек, 19.06.26. /Кабар/. Бишкек шаарында Olympic Day эл аралык спорттук майрамы өтөт.
Муниципалитеттен билдиришкендей, спорттук иш-чара 21-июнда Т. Усубалиев атындагы аянтта өтмөкчү. Катышуучуларды чогултуу саат 09:00до башталат, ал эми чуркоонун старты саат 10:00гө белгиленген.
Чуркоо маршруту Абдумомунов, Орозбеков, Раззаков жана Рыскулов көчөлөрү аркылуу В.И. Лениндин эстелигинин айланасы менен өтөт.
Буга байланыштуу 21-июнда саат 08:00дөн 14:00гө чейин чуркоо маршруту өтө турган көчөлөрдө унаа кыймылына убактылуу чектөө киргизилет.
