Бишкек, 16.10.25 /Кабар/. Ири швейцариялык азык-түлүк өндүрүүчү концерн алдыдагы эки жыл ичинде иш орундарын масштабдуу кыскартууну пландап жатат, деп билдирет Kazinform.
«Дүйнө өзгөрүүдө жана Nestlé тезирээк ыңгайлашууга тийиш», – деди Nestlé компаниясынын башкы директору Филипп Навратил.
Nestlé компаниясынын жаңы жетекчиси алдыдагы эки жыл ичинде 16 миң жумуш ордун кыскарта турганын жарыялады. Бул жалпы кызматкерлердин санынын болжол менен 5,7% түзөт. Бул билдирүү бейшемби күнү швейцариялык гиганттын тогуз айдагы сатуу көрсөткүчтөрү жарыялангандан кийин жасалды. Анда сатуулар 1,9% га кыскарып, 65,9 миллиард швейцариялык франкты (71 миллиард евро) түзгөнү айтылган.
«Кызматкерлердин санын кыскартуу программасы дүйнөнүн ар кайсы бөлүктөрүндөгү жана ар түрдүү бөлүмдөрдөгү 12 миң кеңсе кызмат ордун жоюуну камтыйт. Мындай чара 2027-жылдын аягына чейин жыл сайын 1 миллиард франк үнөмдөөгө мүмкүндүк берет. Бул азыркы пландаштырылган суммадан эки эсе көп», – деп айтылат швейцариялык топтун басма сөз баянында.
