Бишкек, 17.09.26. /Кабар/. Окумуштуулар Айда 2024-жылы астероиддин же комета сыныгынын кагылышуусунан пайда болгон кратерди табышты. Бул тууралуу Интерфакс CBS News билдиргенин жазды.
Маалыматка ылайык, кратердин диаметри болжол менен 222 метр жана тереңдиги 43 метрге чейин жетет. Аны NASA’нын Айды чалгындоочу орбита аппараты тапты, ал 2024-жылдын апрель жана май айларынын аралыгында Айдын бетиндеги өзгөрүүлөрдү каттаган. Кагылышуу телескоптор тарабынан реалдуу убакытта аныкталган эмес жана алгачкы сүрөттөр 2025-жылдын август айында гана чыккан.
Кратерге Хьюстондогу Ай жана планета институтунун мурдагы директору Томас МакГатчиндин аты коюлган. Ал он жыл мурун мурунку кратерден үч эсе чоң. Изилдөөчүлөрдүн эсептөөсү боюнча, мындай чоңдуктагы кратерлер болжол менен 130 жылда бир жолу болот.
