Бишкек, 28.08.25 /Кабар/. Саймалуу-Таш Мамлекеттик Жаратылыш паркында жана Нарын Мамлекеттик Жаратылыш коругунда желимге каршы бир катар иш-чаралар жасалды. Бул тууралуу Жаратылыш ресурстары, экология жана техникалык көзөмөл министрлигинен билдиришти.
Саймалуу-Таш жаратылыш паркынын аймагына 4 даана желим таштандыларды чогултуучу атайын урналар орнотулган. Ошондой эле, Жаратылыш коругунун экобазасында эс алуучуларга жана чет өлкөлүк эковолонтерлорго полимердик пакеттерди жана желим буюмдарды колдонууга болбой тургандыгы тууралуу түшүндүрүү иштери жүргүзүлгөн.
Белгилей кетсек, 2023-жылдын 9-августундагы Кыргыз Республикасынын №177 полимердик пленкадан жана пластмассадан жасалган пакеттерди жүгүртүүгө чектөөлөр киргизүү жөнүндөгү мыйзамы кабыл алынган.
