Бишкек,20.03.25. /Кабар/. Жол жээгине мыйзамсыз көрнөк жарнак орноткондорго 4 күндө 671 миң сом айып салынды.
Жол кыймылынын коопсуздугун камсыздоо башкы башкармалыгынан билдиришкендей, Жол көзөмөлдөө бөлүмү жол жээгиндеги тилкелерде тиешелүү органдар менен макулдашпастан жарнама такталарын, паннолорду, транспаранттарды, көрнөктөрдү, плакаттарды, афишаларды, белгилерди, көрсөткүчтөрдү жана башка өз билемдик менен орнотуп алган фактыларын аныктоо максатында, “Жарнама тактасы” аталышында рейддик иш-чараларды өткөрүп, эки күн ичинде 4 күн ичинде 223 мыйзамсыз илинген көрнөк-жарнактарды аныкташып, жалпы суммасы 671 000 сомго айып салышты.
"Мындай көрнөк-жарнактарды иретке келтирүү максатында өткөрүлгөн рейддик иш-чаралар мындан арыда жол кыймылынын коопсуздугун камсыздоо башкы башкармалыгынын Жол көзөмөлдөө бөлүмү тарабынан улантылат",-деп айтылат маалыматта.
