Бишкек, 14.10.26. /Кабар/. Манас шаарында уруксат берүүчү документтери жок курулуп жаткан таунхаус тибиндеги көп батирлүү турак жай объектиси аныкталып, курулуш иштери убактылуу токтотулду.
Курулуш, архитектура жана турак жай-коммуналдык чарба министрлигинин маалыматына ылайык, объект Алмабак көчөсүндөгү 182/2, 182/3, 182/4 жана 182/5 даректеринде жайгашкан.
Текшерүү учурунда долбоордук жана уруксат берүүчү документтер жок экени, ошондой эле курулуш ченемдери бузулуп, сапаттык кемчиликтер бар экени аныкталган.
Натыйжада куруучуга Укук бузуулар жөнүндө кодекске ылайык айып салынып, курулуш иштери убактылуу токтотулду.
