Бишкек, 25.02.25. /Кабар/. Альберта университетинин илимий кызматкери Ноа Кастело Канада жана АКШдагы кесиптештери менен биргеликте изилдөө жүргүзгөн. Nplus басылмасы кабарлагандай, анда мобилдик интернетти убактылуу өчүрүү адамдын психикалык ден соолугуна кандай таасир тийгизерине байкоо жүргүзүлгөн.
PNAS Nexus журналына жарыяланган изидөөнүн жыйынтыгында айтылгандай, изилдөөгө 467 адам катышууга макул болгон. Иштин талабына ылайык, катышуучулардын жарымы эки аптага телефонуна интернетти бөгөттөгөн тиркеме орнотушкан. Кийинки эки жумада калган катышуучулар да ушундай талапты аткарышкан.
Мобилдик интернет өчүрүлгөндө катышуучулардын жашоосунда, психикалык саламаттыгында оң көрсөткүчтөр байкалган, ошондой эле адамдардын көңүл буруу жөндөмдүүлүгү жакшыргандыгын адистер аныкташты.
Изилдөөнүн 467 катышуучусунун 266сы тиркемени орнотууга макул болсо, 119 киши 10 күн гана мобилдик интернетти өчүргөнгө чыдаган.
