Бишкек, 03.11.26. /Кабар/. Инвестициялар боюнча улуттук агенттиктин башчысы Равшанбек Сабиров бүгүн кытайлык CSCEC компаниясынын өкүлдөрү менен жолукту.
Агенттиктен билдиришкендей, анда тараптар Кыргызстандагы инвестициялык жана инфраструктуралык долбоорлорду талкуулашты.
"Атап айтканда, Майлуу-Суу шаарында кубаттуулугу 26 кВт болгон чакан ГЭС куруу жана Асман шаарын өнүктүрүү демилгелери каралды. Ошондой эле компаниянын долбоорлорго катышуу мүмкүнчүлүктөрү, каржылоо тартуу жана мамлекеттик колдоо маселелери талкууланды", - деп айтылат маалыматта.
Жолугушуунун жыйынтыгында тараптар кызматташууну улантууга жана сунушталган долбоорлорду мындан ары иштеп чыгууга кызыкдар экенин билдиришти.
