Бишкек, 26.08.26. /Кабар/. Манас шаарында Шор-Булак-Сай дарыясы аркылуу өтүүчү ири темир жол көпүрөсүнүн төмөнкү конструкцияларын куруу иштери толугу менен аяктады. Бул тууралуу "Чайна Рэйлвей Интернэшнл" ЖЧКсынан билдиришти.
Маалыматка ылайык, көпүрө Кытай – Кыргызстан – Өзбекстан темир жолунун курулушунун алкагында салынууда. Анын узундугу 1017,8 метрди түзөт. Бул аны аталган темир жол каттамындагы эң узун көпүрө кылат.
Көпүрө жалпы 31 аралыктан турат. Алардын 29у 32 метрден, экөө 24 метрден болуп, аралыктардын жалпы схемасы (15×32) + (2×24) + (14×32) метрди түзөт.
Белгиленгендей, көпүрөнүн төмөнкү конструкцияларынын курулушунун аякташы объектти куруудагы маанилүү этаптардын бири болуп саналат.
