Бишкек, 10.08.26. /Кабар/. Манас шаарындагы жалпы билим берүүчү мектептердин 2026-2027-окуу жылына даярдыгы комиссия тарабынан текшерилүүдө.
Муниципалитеттен билдиришкендей, текшерүүдө мектептердин имараттарынын техникалык абалы, санитардык жана өрт коопсуздугу, электр энергиясы, жылуулук менен камсыздалышы, ошондой эле окуу процессине даярдыгы жеринен бааланууда.
Комиссиянын курамына шаардык билим берүү бөлүмүнүн, Өзгөчө кырдаалдар министрлигинин, санитардык-эпидемиологиялык көзөмөлдүн, электр тармактарынын жана башка тиешелүү мекемелердин өкүлдөрү кирген.
Текшерүү шаардагы бардык мектептерди камтып, этап-этабы менен жүргүзүлөт.
