Бишкек, 02.11.26. /Кабар/. Мукаш Абдраев атындагы Республикалык атайын музыкалык орто мектеп-интернатынын окуучулары Алматы шаарында өткөн Ахмет Жубанов атындагы XX эл аралык жаш аткаруучулар сынагына катышып, байгелүү орундарды ээлешти.
Маданият министрлигинен билдиришкендей, сынактын жыйынтыгында фортепиано бөлүмүнүн окуучусу Сабырова Назбийке III орунга ээ болду. Анын мугалими — Кыргыз Республикасынын маданиятынын мыкты кызматкери Назира Субаналиева.
Ошондой эле кыл-кыяк бөлүмүнүн окуучусу Калматова Айтунук III орунду багындырды. Мугалими — Анаркүл Султанова, концертмейстери — Мелис кызы Саадат.
Мындан тышкары, мектептин мугалими, Кыргыз Республикасынын маданиятынын мыкты кызматкери Бактыгүл Асанкулова сынактын калыстар тобунун курамында иш алып барып, катышуучулар үчүн мастер-класс өткөрдү.
