Бишкек, 14.10.26. /Кабар/. Кыргызстандын өнөр жай жана инвестициялык мүмкүнчүлүктөрү Россиянын Ярославль шаарында өткөн Өнөр жай жумалыгында тааныштырылды.
Соода-өнөр жай палатасынын маалыматына ылайык, Кыргызстандын Россиядагы расмий өкүлү Кубанычбек Осмонбеков иш-чарада кыргыз-орус экономикалык кызматташтыгы тууралуу баяндама жасады.
Ал өнөр жай, айыл чарба продукциясын кайра иштетүү, энергетика, логистика жана туризм тармактарындагы биргелешкен долбоорлордун мүмкүнчүлүктөрүн белгиледи.
Иш-чаранын максаты - Кыргызстанга инвестиция тартуу, жаңы өнөктөштөрдү табуу жана ата мекендик продукциянын тышкы рынокторго чыгышына көмөктөшүү.
