Бишкек, 10.09.26. /Кабар/. Кыргызстанда Шанхай кызматташтык уюмунун колдоосу менен салттуу кытай медицинасынын индустриалдык паркын түзүү пландалууда.
Инвестициялар боюнча улуттук агенттиктен билдиришкендей, долбоордун жалпы наркы 1 млрд долларды түзөт.
Долбоордун алкагында салттуу кытай медицинасы боюнча илимий-изилдөө борборун түзүү, дары-дармек үчүн чийки затты кайра иштетүү жана сактоо жайларын ишке киргизүү, табигый дарыларды өндүрүү жана диагностикалык кызматтарды өнүктүрүү каралган.
Ошондой эле илимий-академиялык алмашууларды жүргүзүү жана жергиликтүү адистерди даярдоо пландалууда. Парк толук кубаттуулукта иштегенден кийин жылына $480 млнго чейин салыктык төлөм түшүшү күтүлүүдө.
Бул маселелер агенттиктин башчысы Равшанбек Сабиров менен "XXI кылымдын биомедициналык компаниясынын" өкүлдөрүнүн жолугушуусунда талкууланды. Тараптар долбоорду даярдоо жана ишке ашыруу боюнча ишти улантууга макулдашты.
