Ысык-Көл, 04.09.26 /Кабар/. 5-сентябрда VI Дүйнөлүк көчмөндөр оюндарынын алкагында Кырчын жайлоосунда өтүп жаткан “Көчмөндөр ааламы” этношаарчасынын расмий маданий программасы жыйынтыкталат. Бул тууралуу оюндардын медиа штаб билдирет.
Маалыматка ылайык, 6-сентябрда этношаарчада санитардык күн жарыяланып, аталган аймак жабык болот. Бул күнү санитардык жана техникалык зарыл иштер жүргүзүлөт.
Этношаарча 7-сентябрдан 10-сентябрга чейин кайрадан келүүчүлөр үчүн ачылып, ишин улантат.
Ошондой эле Кырчын жайлоосуна каттаган акысыз шаттл-автобустар каттамдары бүгүн ишин улантат.
“7-сентябрдан тартып акысыз шаттл-автобустардын каттамы токтойт. Бул күндөрү этношаарчага барууну каалагандар жеке транспорт каражаттары менен өз алдынча бара алышат”, — деп айтылат маалыматта.
