Бишкек, 23.09.26. /Кабар/. Чүй облусунун аймагында курулуш компанияларына мыйзам талаптарын так сактоо эскертилди.
Курулуш, архитектура жана турак жай коммуналдык чарба министрлигинен билдиришкендей, жыйында курулуш объектилеринде эмгек коопсуздугун сактоо, жумушчуларды жеке коргонуу каражаттары менен камсыз кылуу жана тиешелүү нускамаларды өз убагында өткөрүү маселелери талкууланды.
Ошондой эле курулуш иштерин бекитилген долбоордук жана уруксат берүүчү документтерге ылайык жүргүзүү, имараттардын кабаттуулугун жана конструкцияларын уруксатсыз өзгөртпөө талап кылынды.
Мыйзам бузуу фактылары аныкталган учурда Кыргызстандын мыйзамдарына ылайык тиешелүү чаралар көрүлөрү эскертилди.
