Бишкек, 07.07.26. /Кабар/. Кемпир-Абад жана Киров суу сактагычтарында мыйзамсыз балык уулоого каршы рейддик иш-чаралар өткөрүлдү.
Жаратылыш ресурстары, экология жана техникалык көзөмөл министрлигинен билдиришкендей, Кемпир-Абад суу сактагычында жүргүзүлгөн рейд учурунда мыйзамсыз 200 метр синтетикалык тор салып жүргөн жарандар кармалышты. Ошондой эле балык уулоонун эрежелерин бузган башка тургундар аныкталып, аларга 8 500 сом өлчөмүндө айып пул салынды.
Ушундай эле тазалоо иш-чарасы Талас облусундагы Киров суу сактагычында да уюштурулду. Натыйжада суу түбүнөн мыйзамсыз салынган 200 метрден ашуун синтетикалык тор табылып, сыртка чыгарылды жана тийиштүү акт түзүлдү.
