Бишкек, 08.04.26. /Кабар/. 7–8-апрель күндөрү Тажикстандын Исфара шаарында Кыргызстан, Өзбекстан жана Тажикстандын энергетика тармагынын кызматкерлери арасында кичи футбол боюнча достук турнири өттү. Бул тууралуу Энергетика министрлигинен билдиришти.
Маалыматка ылайык, мелдеште Кыргызстандын энергетиктери өздөрүнүн мыктылыгын көрсөтө алышты.
Оюнда Кыргызстан Өзбекстандын командасын 4:2 эсебинде утту, ал эми Тажикстандын командасын 5:3 эсебинде жеңди. Эл аралык достук турнирдин жыйынтыгында Кыргызстандын энергетиктери жеңүүчү болду.
Иш-чарада футбол турнирин жыл сайын өткөрүп туруу зарылдыгы баса белгиленди.
"Турнир коңшу мамлекеттердин энергетиктеринин ортосундагы достук мамилелерди тереңдетүү, сергек жашоо образын жайылтуу, ден соолукту чыңдоо жана командалык биримдикти арттыруу максатында уюштурулду",-деп айтылат маалыматта.
