Ысык-Көл, 05.09.26. /Кабар/. 2-4-сентябрь күндөрү Кырчын жайлоосунда VI Дүйнөлүк көчмөндөр оюндарынын алкагында стронгмен боюнча мелдеш өтүп, анын жыйынтыгы чыгарылды.
Оюндардын медиа штабынан билдиришкендей, мелдешке дүйнөнүн 10 өлкөсүнөн 19 спортчу катышты.
Жыйынтыгында 1-орунду Ирандын өкүлү Сажад Солтанинежад ээлеп, 150 миң сом байгеге ээ болду.
Экинчи орунду Россиядан келген Денис Вагапов камсыздап, 130 миң сом алды. Үчүнчү орун Казакстандын спортчусу Вадим Макарстовго буюруп, ага 100 миң сом тапшырылды.
Белгилей кетсек, стронгмен — дүйнөнүн ар кайсы өлкөлөрүнөн келген спортчулар күч сынашкан мелдеш. Ал эркектер арасында салмак категориялары эске алынбастан өткөрүлөт.
